ಅಮ್ಮಾ ನಾನು ದೊಡ್ಡೋನಾಗಿ

 

ಅಮ್ಮಾ ನಾನು ದೊಡ್ಡೋನಾಗಿ...
(ಅಮ್ಮಾ ನಾನು ದೊಡ್ಡೋಳಾಗಿ)

ಅಮ್ಮಾ ನಾನು ದೊಡ್ಡೋನಾಗಿ
ನೌಕರಿ ಮಾಡುವೆ
ಕೈತುಂಬಾ ಸಂಬಳ ಪಡೆದು
ನಿಮ್ಮ ಚೆಂದದಿ ಸಲಹುವೆ||೧||

ಅಮ್ಮಾ ನಾನು ದೊಡ್ಡೋನಾಗಿ
ಬಿಸ್ನೆಸ್ ಮಾಡುವೆ
ಬಡವರನೆಲ್ಲಾ ಕರೆದು
ದಾನ ಧರ್ಮ ಮಾಡುವೆ||೨||

ಅಮ್ಮಾ ನಾನು ದೊಡ್ಡೋನಾಗಿ
ಕೃಷಿಕನಾಗುವೆ
ವಿಷವನುಣಿಸದೆ ಆಹಾರವನು
ಬೆಳೆದು ಮಾರುವೆ||೩||

ಅಮ್ಮಾ ನಾನು ದೊಡ್ಡೋನಾಗಿ
ಪೋಲೀಸಾಗುವೆ
ಕಳ್ಳರನೆಲ್ಲ ಬೇಗನೆ ಹಿಡಿದು
ಜೈಲಿಗಟ್ಟುವೆ||೪||

ಅಮ್ಮಾ ನಾನು ದೊಡ್ಡೋನಾಗಿ
ಸೈನಿಕನಾಗುವೆ
ದೇಶದ್ರೋಹಿಗಳ ಹೆಡೆಮುರಿದು
ಮಾತೆಯ ಸೇವೆ ಮಾಡುವೆ||೫||

ಅಮ್ಮಾ ನಾನು ದೊಡ್ಡೋನಾಗಿ
ರಾಜಕಾರಣಿಯಾಗುವೆ
ಪ್ರಾಮಾಣಿಕವಾಗಿ ದೇಶದ ಜನರ
ಸೇವೆಯ ಮಾಡುವೆ||೬||

(ಇನ್ನು ಮುಂದೆ ಯಾವುದು ಬೇಕೋ ಅದನ್ನು ಸೇರಿಸಿ ಮಕ್ಕಳಿಗೆ ಅಭ್ಯಾಸ ಮಾಡಿಸಬಹುದು)

✍️...ಅನಿತಾ ಜಿ.ಕೆ.ಭಟ್.
15-07-2021.

#momspressoshortstories
#momspresso kannada ದ ಶಿಶುಗೀತೆ ರಚನಾ ಸವಾಲಿಗಾಗಿ ರಚಿಸಿರುವ ಶಿಶುಗೀತೆ.