ನಮಿಪೆ ಗೌರಿ

#ನಮಿಪೆ ಗೌರಿ

ನಮಿಪೆನು ಗೌರಿ ಹರನ ಸಿಂಗಾರಿ
ಸುಮನಸೆ ಶಂಕರಿ ಗಿರಿಜೆ ಮನೋಹರಿ||ಪ||

ಸಕಲಾಭರಣೆ ಚಂದಿರವದನಳ
ಕಲಶಕನ್ನಡಿ ಪಿಡಿದು ಎದುರುಗೊಳ್ಳುತ||೧||

ಪರಾಶಕ್ತಿರೂಪಿಣಿ ರಜತಗಿರಿವಾಸಳ
ಮಂಗಳದ್ರವ್ಯಗಳಿಂದ ಅಲಂಕರಿಸುತ||೨||

ಮಂದಹಾಸಿನಿ ಮಂಗಳಮಯಳ
ಸಿಂಧೂರ ಸುಮಗಳಿಂದ ಅರ್ಚಿಸುತ||೩||

ಇಂದುಧರನರಸಿ ನಿತ್ಯಸಂತುಷ್ಟೆಯ
ಫಲತಾಂಬೂಲ ನೈವೇದ್ಯಗಳ ಅರ್ಪಿಸುತ||೪||

ಜಯ ಸಿರಿಗೌರಿ ಜಯ ಸ್ವರ್ಣಗೌರಿ
ಒಳಿತನುಬೇಡುವೆ ಮಂಗಳಾರತಿ ಬೆಳಗುತ||೫||

✍️... ಅನಿತಾ ಜಿ.ಕೆ. ಭಟ್
30-08-2022.
#ಗೌರಿಹಬ್ಬದ ಹಾರ್ದಿಕ ಶುಭಾಶಯಗಳು. 💐
#ದೈನಿಕವಿಷಯ- ತಾಯಿ ಸಿರಿಗೌರಿ