ಜನುಮದಿನದ ಶುಭಾಶಯಗಳು

 

#ಜನುಮದಿನದ ಶುಭಾಶಯಗಳು

ಜನುಮ ದಿನದ ಶುಭಾಶಯವು ಮುದ್ದು ಕಂದಗೆ
ಒಲವಿನೊಸಗೆ ತಂದಂಥ ಹೂಬಳ್ಳಿಗೆ||೧||

ನಿನ್ನ ನಗುವ ಬೆಳದಿಂಗಳ ತಂಪಿನಲ್ಲಿ
ಉರುಳಿಹವು ವರುಷಗಳು ಹರುಷದಲ್ಲಿ||೨||

ಸತ್ಯಪಥವು ನಿನ್ನದಿರಲಿ ಕಷ್ಟದಲ್ಲೂ ಕಂದ
ಗಮ್ಯದೆಡೆಗೆ ಚಿತ್ತವಿಟ್ಟು ಸಾಗುತಿರು ಚಂದ||೩||

ಸಂಸ್ಕಾರದ ಅಡಿಪಾಯದಿ ಸಾಧನೆಯ ಗೈದು
ಬೆಳೆದು ಹೊಳೆಯಬೇಕು ಸತ್ಕೀರ್ತಿಯ ತಂದು||೪||

ದೇವರಕ್ಷೆ ಇರಲಿ ಸದಾ ನಿನ್ನ ಬಾಳಿಗೆ
ಹರಸುತಿಹೆವು ಹಿರಿಯರೆಲ್ಲ ನಿತ್ಯ ಗೆಲುವಿಗೆ||೫||

✍️... ಅನಿತಾ ಜಿ.ಕೆ.ಭಟ್.

ಚಿತ್ರ ಕೃಪೆ: ಅಂತರ್ಜಾಲ