ಮಂಗಳೆ ಶ್ರೀಗೌರಿ

 

#ಮಂಗಳೆ ಶ್ರೀಗೌರಿ

ಮಹಾದೇವಪ್ರೀಯಳ ದಿವ್ಯಮೂರುತಿ ಮಹಿಮೆಯಲಿ ಹರಸುವಳು ಎಮ್ಮ ಹರಸತಿ||ಪ||
ಮಂಗಳೆ ಶ್ರೀಗೌರಿ ವರದಾಯಿನಿ
ಅಂಗನೆಯರ ಪಾಲಿಸುವ ಕಾತ್ಯಾಯಿನಿ||ಅ.ಪ.||

ಕಡಗಕಂಕಣ ನಡುವಿನ ಒಡ್ಯಾಣ
ತೊಡಿಸುವೆ ಸಿಂಗರಿಸಿ ಶರ್ವಾಣಿಗೆ
ವಿಧವಿಧಸುಮವ ಹಳದಿಕುಂಕುಮವ
ಪಾದಕೆರಗಿ ಅರ್ಪಿಸುವೆ ಕಲ್ಯಾಣಿಗೆ||೧||

ಮಂಗಳದಾರತಿ ಗಜಗೌರಿಗೆ
ಎತ್ತುವೆವಾರತಿ ಜಯಗೌರಿಗೆ
ನವರತ್ನದಾರತಿ ಮುದ್ದು ಶಿವೆಗೆ
ಬಂಗಾರದಾರತಿ ಸೌಭಾಗ್ಯದಾತೆಗೆ||೨||

ಜಯಮಂಗಳ ಜಯಮಂಗಳ ಪಾರ್ವತಿದೇವಿಗೆ
ಶುಭಮಂಗಳ ಶುಭಮಂಗಳ ಪರಮೇಶ್ವರಿಗೆ
ಜಯಮಂಗಳ ಜಯಮಂಗಳ ಶೌರಿಸಹೋದರಿಗೆ
ಶುಭಮಂಗಳ ಶುಭಮಂಗಳ ಸ್ವರ್ಣಗೌರಿಗೆ||೩||

✍️ ಅನಿತಾ ಜಿ.ಕೆ.ಭಟ್.

ಸರ್ವರಿಗೂ ಗೌರಿ ಹಬ್ಬದ ಶುಭಾಶಯಗಳು.. 💐