ಮಕ್ಕಳ ನೀರಾಟ

ಬಾಲರ ನೀರಾಟ

ಝುಳು ಝುಳು ಹರಿಯುವ
ತಿಳಿನೀರಲಿ ಖುಷಿಯ ಆಟ
ಬೊಗಸೆಯ ಜೋಡಿಸಿ
ಬಳುಕುವ ಮೀನ ಹಿಡಿವನೋಟ||

ಆಚೆಯ ದಡಕೂ ಈಚೆಯ ಕಡೆಗೂ
ಸಂಧಿಸುವ ಕಾಲು ಸಂಕ
ತುಂಟತನದ ಬಾಲರಿಗೆ
ನೀರಲಿ ಆಡುವ ತವಕ||



ಹಲಸಿನ ಮರವೋ ಕೆಸವಿನ ಸೊಪ್ಪೋ
ತುಂಬಿದೆ ಹಸಿರೇ ಹಸಿರು
ಮಳೆಯೋ ಬಿಸಿಲೋ ಏನೇಬರಲಿ
ಚಿಣ್ಣರಿಗೆ ಆಟವೆ ಉಸಿರು||

ಬಾಲ್ಯದ ದಿನಗಳ ಸ್ವಚ್ಛಂದತೆಗೆ
ಆಟಿಕೆ ಏನೂ ಬೇಡ
ಬೆಳೆಯುತ ಮುಂದಕೆ,ಬೆಳೆವುದು
ಬೇಡಿಕೆ ಪಟ್ಟಿಯು ಕೂಡಾ||

ಅಂಗಿಯೆ ಇರದ ಭಂಗಿಯ
ಮಗುವಿಗೆ ನೀರಲಿ ಮೋಜು
ಬಿಂಗಿಯ ಬಿಡದಿಹ ಹರೆಯ
ಮೀನನು ಹಿಡಿಯುವ ಗೌಜು||

✍️... ಅನಿತಾ ಜಿ.ಕೆ.ಭಟ್.
24-06-2020.