ಗತವೈಭವ

ಕಳೆದುಹೋದ ಕಾಡಬದುಕು
ಮರಳಿ ನನಗೆ ದೊರೆವುದೇ
ಎಳೆಯ ಬಿದಿರಮೆಳೆಯ ಹೊಕ್ಕು
ಕೊರಳನೆತ್ತಿ ಸೊಪ್ಪ ಮುರಿವೆನೆ...||

ಮೋಸದಲ್ಲಿ ಮನುಜನೆನ್ನ
ಹಿಡಿದು ಕೂಡಿಹಾಕಿಹ
ಖಾಸಗಿಯ ಬದುಕು ಕಸಿದು
ಬಿಡದೆ ಅಂಕುಶವ ತುರುಕುವ...||

ನೀರಿನಾಟದಲ್ಲಿ ಲಲ್ಲೆಗೆರೆದ
ನೀರೆ ನನ್ನ ನಲ್ಲೆಯು
ಎಲ್ಲಮರೆತು ಇಲ್ಲಿಯಿರುವೆ
ಮಲ್ಲನಿಗೆ ಸಲಿಲವೆರಚುತ...||

ಹಬ್ಬಿನಿಂತ ಶುದ್ಧಸರಸಿನಲ್ಲಿ
ವಾರಕೊಂದೆ ವಿಹಾರವು
ಕೊಬ್ಬಿನಿಂತ ಮಲ್ಲನಿವನು
ಕರೆದುಕೊಂಡು ಹೊರಟನು...||

ಸ್ಪಟಿಕ ಜಲಧಿ ಮುತ್ತ ಹನಿಯು
ಸಿಗದು ಸ್ವಚ್ಛಂದ ವೈಭವ
ಕಟುಕ ನರನೇ ಕೊಡಿಸುಯೆನಗೆ
ಖಗಮೃಗಗಳ ಜೊತೆಗೆ ವಾಸವ...||

✍️... ಅನಿತಾ ಜಿ.ಕೆ.ಭಟ್.
25-12-2019.