ನೀ... ಮಲಗು ಮಗುವೇ...

ನೀ ಮಲಗು ಮಗುವೇ..

ಕಣ್ಣರಳಿಸಿ ನೋಡದಿರು
ಕಣ್ಣಿನಲೆ ಕರೆಯದಿರು
ನಿದ್ದೆ ತೂಗುವ ಹೊತ್ತು..ನೀ ಮಲಗು ಮಗುವೇ...||


ಹೊತ್ತು ಮೂಡುವ ಮುನ್ನ
ಕಿತ್ತು ನಿದಿರೆಯ ನಿನ್ನ
ಎತ್ತಿ ಬಂದಿಹೆ ಮುತ್ತು..ನೀ ಮಲಗು ಮಗುವೇ...||

ಸುತ್ತಲಿಹ ಬೊಂಬೆಗಳು
ಕತ್ತಲೆಯ ಬಾಳುವೆಗೆ
ಬೆಳಕ ನೀಡುವ ಹೊತ್ತು..ನೀ ಮಲಗು ಮಗುವೇ...||

ಕಷ್ಟದ ದುಡಿಮೆಯಿದು
ಇಷ್ಟದಿ ನಡೆಸುತಿರೆ
ಲಾಭ ನಷ್ಟದ ತುತ್ತು...ನೀ ಮಲಗು ಮಗುವೇ...||

ಹಾಡುಬೇಡದ ಗೊಂಬೆ
ನಡುವೆ ಹಾಲುಣಿಸಿ ಅಬ್ಬೆ
ಕಾಡಿಸದೆ ಕಿಂಚಿತ್ತೂ....ನೀ ಮಲಗು ಮಗುವೇ...||

ವಿದ್ಯೆ ಕಲಿಯುವ ಮನಸು
ಸಾಧಿಸುತ ಸವಿಗನಸು
ಮೆರೆಯಬೇಕೆನ್ನ ಕೂಸು...ನೀ ಮಲಗು ಮಗುವೇ...||

✍️... ಅನಿತಾ ಜಿ.ಕೆ.ಭಟ್.
07-12-2019.

ಚಿತ್ರ ಕೃಪೆ ಕನ್ನಡ ಕಥಾಗುಚ್ಛ.

ಈ ಹಾಡನ್ನು ಯೂಟ್ಯೂಬ್ ನಲ್ಲಿ ಕೇಳಲು ಕೆಳಗಿನ ಲಿಂಕ್ ಬಳಸಿ..https://youtu.be/dsdRNLxbo8w