ನಿನ್ನ ಬಾಳಿಗೆ ನೀನೆ ಶಿಲ್ಪಿ

ನಿನ್ನ ಬಾಳಿಗೆ ನೀನೆ ಶಿಲ್ಪಿ

ನಡೆದಾಡುವ ಹಾದಿಯಲಿ

ಏರು ತಗ್ಗುಗಳಿಹುದು
ಕಡೆಗಣಿಸದೆ ಜತನದಲಿ
ಗುರಿಯ ಮುಟ್ಟುವ ಕನಸು ಕಾಣು||೧||

ಅಂಬರದ ಅಂಚಿನಲಿ ಸಂಭ್ರಮ

ಬೀಸಿದಂತೆ ಕಲ್ಲು ಹಿಟ್ಟು
ತುಂಬಿಹರಿದ ನದಿಯಸಂಗಮ
ಹಾಸಿಕೆನ್ನೀರ ಹುಡುಕಿ ನೆಲೆಗಟ್ಟು||೨||

ಖಾಲಿಪುಟದಂತೆ ಬದುಕಿಹುದು

ಗೀಚುವ ಕವಿಯು ನೀನಾಗು
ಬೇಲಿಯಿರದ ಶರಧಿಯದು
ಬಾಚಿಕೋ ಜಯದ ಸೊಬಗು||೩||

ಮನವಿರಲಿ ಕಾರ್ಯದೊಳು ನೆಟ್ಟು

ಚಂಚಲತೆ ಸೋಕದಂತೆ
ದಿನರಾತ್ರಿ ಶ್ರಮನಿಯಮ ಬಿಗಿಯಿಟ್ಟು
ಹಚ್ಚುದಾರಿಗೆ ಬೆಳಕು ದೀಪದಂತೆ||೪||

ನಿನ್ನ ಬಾಳಿಗೆ ನೀನೆ ಶಿಲ್ಪಿಯಾಗು

ಉಳಿಪೆಟ್ಟು  ಸಹಿಸಿಯೇ ಮೂರ್ತಿ
ಚಿನ್ನಧನಕೂ ಮೀರಿ ಸಂಪನ್ನನಾಗು
ಕೇಳುವಂತೆ ಜಗದಗಲ ನಿನ್ನ ಕೀರ್ತಿ||೫||

✍️... ಅನಿತಾ ಜಿ.ಕೆ.ಭಟ್.
26-07-2020.