ಜೋಡೆತ್ತು

 

#ಜೋಡೆತ್ತು

ನಡೆಯೋಣ ಬಾ ಹೀಗೆ ಜೋಡಿಯಾಗಿ
ಹೂಡೋಣ ಒಡೆಯನ ಕೂಳಿಗಾಗಿ||

ಹದವಾಗಿ ಹೆಜ್ಜೆ ಒಂದೊಂದೆ ಇರಿಸಿ
ನೇಗಿಲಹೊರೆಗೆ ಹೆಗಲಾಗಿ
ಮಳೆಚಳಿಸುಡುಬಿಸಿಲು ಹಸಿಕೆಸರ
ಲೆಕ್ಕಿಸದೆ ದುಡಿಯೋಣ ಪೈರಿಗಾಗಿ..||

ಆಗೊಮ್ಮೆ ಈಗೊಮ್ಮೆ ಒದೆಗೆಎದೆಯೊಡ್ಡಿ ನಡೆಯುವುದೀ  ಶ್ರಮಯಾನ
ಭೂತಾಯಿ ಬಸಿರು ಹಸಿರಾಗಿ ತೊನೆದು
ನಿಂತಾಗ ಧನ್ಯವೀ ಮೈಮನ||

ನಾ ಹೆಚ್ಚು ನೀ ಕಮ್ಮಿ ಭೇದವನೆಣಿಸದೆ
ದುಡಿದರೇ ಇಲ್ಲಿ ಇಂಬು
ಸೋಲಹುದು ನೋವಹುದು ಒಗ್ಗಟ್ಟುಮರೆತು    ತಾಡಿದರೆ ನೀಲಿ ಕೊಂಬು||

ನಮ್ಮಯ ಸೇವೆ ಒಡೆಯನಬೆವರಹನಿ
ನೆಲದಾಯಿ ಹರಸಿದರೆ ಫಸಲು
ಹಸಿದಿರುವ ಹೊಟ್ಟೆಗೆ ಅನ್ನವನೀಯುವ
ಕಾಯಕ ಜಗದಲಿ ಮಿಗಿಲು||

✍️ಅನಿತಾ ಜಿ.ಕೆ.ಭಟ್.
24-03-2021.

#momspressokannada #ದಿನದಚಿತ್ರ