ಉಗಿಯಬಂಡಿ ಬಾಳಬಂಡಿ..#ಕವನ

 

ಉಗಿಯ ಬಂಡಿ _ ಬಾಳ ಬಂಡಿ

ಚುಕುಬುಕು ರೈಲಿನ ಬಂಡಿ
ವೇಗದಿ ಸಾಗುತ ಏನೇನ್ ಕಂಡಿ ?||

ಹಳಿಯ ಮೇಲಿನ ಹಳೆಯ ಬಂಡಿ
ಗಿಜಿಗುಟ್ಟುವ ಜನರಿಗೆ ಹವೆಯದು ಥಂಡಿ ||

ನಿತ್ಯವು ದುಡಿದು ಬಾಳಿನ ಬಂಡಿ
ಎಳೆಯಲು ಏರುವ ಸಾಮಾನ್ಯರ ದಂಡು||

ರೈಲಿನ ಪಯಣ ಬಡವರಿಗೆ ಸ್ವರ್ಗ
ಟಿಕೆಟ್ ದರವು ಬಲು ಅಗ್ಗ ||

ಬಡವರಿಗುಂಟು ಸಾಮಾನ್ಯದ ಬೋಗಿ
ಸಿರಿಕರಿಗೆಂದೇ'ತಂಪುಹವಾ'ವಿಶೇಷವಾಗಿ
ಇನ್ನೂ ಚೆಂದಿದೆ  'ನಿದ್ರಾ ಬೋಗಿ'
ಸಾಲದಿದ್ದರೆ ಮಹಡಿ ಹತ್ತಿ ಹೋಗಿ ||

ಕನಸುಗಳ ಬೆನ್ನೇರಿ;ಉಗಿಬಂಡಿಯ ಮೇಲೇರಿ
ದೂರದೂರಿಗೆ ಪಯಣಗೈದವರೆಷ್ಟೋ
ಹತ್ತಿದವರ ಭಾರವೆನದೆ ಹೊತ್ತು
ಗಮ್ಯ ಸ್ಥಾನವ ಮುಟ್ಟಿಸಿ ಬಿಟ್ಟೆ ||

ಯಾರೋ ಹತ್ತಿ ಇನ್ನಾರೋ ಇಳಿದರು
ಬಾಳದಾರಿಯಲಿ ಸಿಕ್ಕ ಸಹಪಯಣಿಗರು
ನಿತ್ಯದ ಓಟದಿ ಸವೆದಿಹುದು ಗಾಲಿ
ದಿನದ ಜಂಜಾಟದಿ ಮನುಜ ಬೆಂಡಾಗಿ ಬಳಲಿ ||

ರೈಲಮ್ಮ ನಿನ್ನ ಮಡಿಲು
ಭಿಕ್ಷುಕರ,ಕಳ್ಳರ,ಇಲಿಗಳ ಒಡಲು
ಎಂದೆಂದಿಗೂ ಆಗದಿರಲಿ ||

✍️.. ಅನಿತಾ ಜಿ.ಕೆ.ಭಟ್.

14-09-2020.

ಚಿತ್ರ ಕೃಪೆ : ಹವಿಸವಿ ಬಳಗ.