ಜಾಲ #ಕವನ

 

ಜಾಲ

ಬದುಕೆಂಬ ಮೂರಕ್ಷರ
ಭುವಿಯೊಳಗಿನ ಹಂದರ
ಇಹುದು ದಿನ ಮೂರು
ಕಾಡುವ ಚಿಂತೆ ನೂರು...

ಮಿಥ್ಯ ಬಿಂಬವ ನಂಬದೆ
ಅಂತರ್ಜಾಲವು ಸತ್ಯ
ಅಲ್ಲವೆಂಬುದರಿವೆ ನೀ ಮುಂದೆ
ಮಾಯಾಜಾಲವೆಂಬುದು ಕಹಿಸತ್ಯ...

ಹಾಳುನೋಟದಿ ನೆಟ್ಟು
ಬಳಸಿ ಸಂಪೂರ್ಣ ನೆಟ್ಟು
ತಲೆಹಾಳಾದೀತು ಕೆಟ್ಟು
ಹಿಂದಿರುಗೊಮ್ಮೆ ಬದಿಗಿಟ್ಟು...

ಚಿತ್ರ ವಿಚಿತ್ರವ ಸೆರೆಹಿಡಿದು
ಮನವು ಕದಡಿ ಜಡಹಿಡಿದು
ಪ್ರಕೃತಿಮಾತೆ ಕೈಬೀಸಿ ಕರೆದು
ನಸುನಗುತ ನಿಂದಿಹಳು ಸುತ್ತುವರಿದು...

ಜಾಲದೊಳಗಿನ ಜೀವಕೆ
ಅದುವೇ ಸಕಲಕೂ ವೇದಿಕೆ
ಹೊರಜಗತ್ತಿಗೆ ಎಳೆದು ಮುಸುಕು
ಹೊದ್ದು ತಿಳಿಯದು ಬಾಳ ನಸುಕು....

✍️... ಅನಿತಾ ಜಿ.ಕೆ.ಭಟ್.
25-10-2020.