ಅಂಬಾಸಿಡರ್ ಕಾರಿನ ಕಥೆ #ಕವನ



ಏನಿದು ಕಾರು? ಓಹೋ ಸುಂದರ||
ಬುರ್ರನೆ ಬಂತೈ ಅಂಬಾಸಿಡರು ||1||

ಚಂದದ ಕಲರೂ|ಒಳ್ಳೆಯ ಖದರು||
ಕಾರಿನ ಮುಂದೆ ಮಕ್ಕಳಿಬ್ಬರು||2||

ಹಳ್ಳಿ ಪೇಟೆ|ನಿತ್ಯದ ಓಟ||
ಬಾಳೆ ಅಡಿಕೆ|ಸರಕು ಸಾಗಾಟ||3||

ಹಸಿರಿನ ನೋಟ|ಧೂಳಿನ ಮಾಟ||
ಹೊಂಡಗುಂಡಿ|ಸರಿಸಮ ಓಟ||4||

ಸಿರಿಕರ ಮನೆಕರೆ|ಸಿಂಗಾರಿ ಬಂಗಾರಿ||
ಮುಂದೆ ಬಡವರ ಉದರವ|ಪೊರೆದಿರುವುದು ಖರೆ||5||

ಹಿರಿಕಿರಿ ಜನರಿಗೂ ಸೀಟು|
ಕಿರಿಕಿರಿ ಇಲ್ಲದೆ ಗಟ್ಟಿಮುಟ್ಟು ||6||

ಹೊಸತರ ಕಾರು|ಸವಾಲಿನೆದುರು||
ಅಚ್ಚಳಿಸದೆ ಬರೆದರು|
ನಿನ್ನಯ ಮೆರುಗು ಹೆಸರು ||7||

ಜೀವನದ ಪಾಠ|ನಮದು ಕೆಲದಿನದ ಓಟ||

✍️...ಅನಿತಾ.ಜಿ.ಕೆ.ಭಟ್.
18-01-2020.
ಚಿತ್ರ ಕೃಪೆ :- ಹವಿಸವಿ ಬಳಗ.

ಹವಿಸವಿ ಬಳಗದ ವಾರದ ಭಾವ ಚಿತ್ರಗೀತೆ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಗಳಿಸಿದ ಕವನ.