ಪಯಣ



ಆದಿ ಅಂತ್ಯದ ನಡುವೆ
ಸಾಗುತಿದೆ ಪಯಣ
ಅಂಧಕಾರವ ಕಳೆದು
ರವಿ ಉದಿಸಿದ ಮೂಡಣ..||

ಮೇಲೆ ಸಾಗುವ ಮಾರ್ಗ
ವಾಹನ ರೈಲಲಿ ತುಂಬಿ ಜನವರ್ಗ
ಬೆಸೆದಿದೆ ಗಟ್ಟಿ ಗೆಳೆತನ
ನನಸಾಗಿಸಿದೆ ಜನರ ಕನಸಿನ..||

ಆಶಾಗೋಪುರ ಕಟ್ಟಿ ದಾರಿದೀಪವಾಗಿದೆ
ದೀಪದಡಿ ಕತ್ತಲು ಮತ್ತೆ ಸಾಬೀತಾಗಿದೆ
ನೋವಿನಲು ನಲಿವಿನಲು ಜತೆ ನಡೆಯೆ ಗೆಳತಿ
ಹೆದರದೆ ಮುಂದಡಿಯಿಡಲು ಸುರಂಗದೊಳವಳೆ ಶಕುತಿ ..||

ಕತ್ತಲು ಬೆಳಕಿನ ಜೀವನ ಜಂಜಾಟ
ಒಮ್ಮೆ ಸುಂದರ ನೋಟ; ಮರುಕ್ಷಣ ತೊಳಲಾಟ
ಚಂದಿರನ ತಂಪೀಗ ಅನುಭವ
ಕಾದಿಹುದು ರವಿಯ ಪ್ರಖರ ಪ್ರಭಾವ..||

ಇಂದು ಕಂಡ ಕನಸ ಬತ್ತಿ
ನಾಳೆ ಉರಿಯಲೂ ಬಹುದು ಹೊತ್ತಿ
ದಾಟಬಹುದು ಸುಲಭದಲಿ ಸುರಂಗ
ಕಳೆಯಬಹುದೇ ಹಣ್ಣೆಲೆಯಂತೆ ಭವದ ಸಂಗ..||

                            👭

✍️... ಅನಿತಾ ಜಿ.ಕೆ.ಭಟ್.
02-01-2020.

ಚಿತ್ರ:-ಹವಿಸವಿ ಕೃಪೆ