ಅವ'ನಲ್ಲ'

ಅವಳಧರ ಕಂಪನವು
ಮುಂಗುರುಳ ಲಾಸ್ಯವು
ಕಚಗುಳಿಯಿಡುವ ಝುಮುಕಿಯು
ಉಸುರಿತು ಅವ'ನಲ್ಲ'....||೧||

ಕೆಂಪೇರಿದ ಆ ಗಲ್ಲ
ಬಯಸಿಹುದು ಸವಿಬೆಲ್ಲ
ಅವಳ ಮಿಡಿತವ ಬಲ್ಲ
ಪಸರಿಸಿಹ ಸವಿ'ಸೊಲ್ಲ'...||೨||

ಹೃದಯಗಳ ಒಲವ ಬೆಸುಗೆ
ಪ್ರಕೃತಿ ಪುರುಷ ಮಿಲನದೊಳಗೆ
ಪಲ್ಲವಿಸಿ ಮೌನದೊಸಗೆ
ಬಂಧಿಸಿಹ ಅವಳ'ಮೆಲ್ಲ'....||೩||

ನಾನು ಎಂಬ ಅಹಂ ಕಳೆದು
ನಾವು ಎಂಬ ಮೋಹ ತಳೆದು
ಸರಸಸುಖದಲಿ ಮೈಮರೆದು
ಕಣ್ಮುಚ್ಚಿದರೂ ಕಾಡುವ'ನಲ್ಲ'...||೪||


✍️... ಅನಿತಾ ಜಿ.ಕೆ.ಭಟ್.
22-02-2020.

ಕಥಾ ಅರಮನೆಯ ' ಚಿತ್ರ ಸ್ಪರ್ಶಿ' ಗೆ ಬರೆದ ಕವನ..

ನಮಸ್ತೇ...

        ಹೆಚ್ಚಿನ ಓದಿಗಾಗಿ view web version ಮೇಲೆ ಕ್ಲಿಕ್ ಮಾಡಿ..follow ಮಾಡಬಹುದು..💐🙏