ಹಸಿರ ಸಿರಿ

ಪರಿಮಳ ಸೂಸುವವಳು ಸುಗಂಧಿ
ಸುವರ್ಣಗಡ್ಡೆಯ ಹೂ ಬಲು ದುರ್ಗಂಧಿ
ಇವಳು ಗುಲಾಬಿವರ್ಣದ ರತ್ನಗಂಧಿ ...

                         🌹🌹

ಮನಸಾಗಲಿ ಹಗುರ
ಸ್ಫಟಿಕದಂತೆ ತಿಳಿನೀರ ಸರೋವರ
 ನುಡಿ ಚೆನ್ನ ಮೃದು ಮಧುರ 
ಸುಂದರ ಚಿತ್ರ ನನ್ನಂಗಳದ ಜರ್ಬೇರ
ಮಳೆಸಿಂಚನದಿ ಪುಟಿದೆದ್ದ ರಕ್ತಚಂದಿರ
                     🌹🌹🌹

ಯಾರೆಷ್ಟೇ ಉರಿ ಉರಿ ಅನ್ನಿ
ನನಗಿಲ್ಲ ಬಿಸಿಲ ಚಿಂತೆ....
ನಾನು ಸೊಬಗಿನ ಖನಿ
ನಗುತ ಅರಳಿ ನಿಂತೆ...
ನನಗೆ ಶುಭೋದಯವೆನ್ನಿ
ನಾ ಸೂಸುವ ಘಮದಂತೆ....

ತೆರಳದಿರಿ ಬೆನ್ನುಹಾಕಿ
ಪಕ್ಕದವಳು ಮುಖತಿರುವಿದಂತೆ....


✍️... ಅನಿತಾ ಜಿ.ಕೆ.ಭಟ್.
25-11-2019.