ಸ್ವಚ್ಛತಾ ಅಭಿಯಾನ

ಸ್ವಚ್ಛವಾಗಿಡಬೇಕು ಪರಿಸರವ
ಎಲ್ಲೆಂದರಲ್ಲಿ ಎಸೆಯದಿರಿ ಕಸವ
ಮಾಡಿ ಪ್ಲಾಸ್ಟಿಕ್ ಬಳಕೆ ಮಿತವ
ಪ್ರಕೃತಿಗೆ ಉಣಿಸದಿರಿ ವಿಷವ...

ತ್ಯಾಜ್ಯ ಸೇರದಿರಲಿ ಜಲಚರ ಉದರ
ಸೊಳ್ಳೆಕೇಂದ್ರ ಕೊಳಚೆ ನೀರು ಗಟಾರ
ಅಗತ್ಯವಾಗಿಬೇಕು ಶುದ್ಧ ಗಾಳಿ ನೀರು
ಬೆಳೆಸೋಣ ಸುತ್ತಮುತ್ತ ಹಚ್ಚಹಸಿರು...

ದಿನದಿನವು ಕ್ಷಣಕ್ಷಣವು ಸ್ವಚ್ಛತೆ
ಇದ್ದಾಗ ಭೂಮಿತಾಯಿಗು ಧನ್ಯತೆ
ಬಿಡು ಮನುಜ ನಿನ್ನ ಸ್ವಾರ್ಥತೆ
ಕಲುಷಿತವಾಗದಿರಲಿ ಭೂಮಾತೆ ....

ಮನೆಗೊಂದು ಗಿಡನೆಟ್ಟು
ಪ್ರತಿಕಸವ ಬುಟ್ಟಿಯಲಿಟ್ಟು
ಮಿತಬಳಕೆಯಿರಲಿ ಇಂಟರ್ನೆಟ್ಟು
ಮಹಡಿಮೇಲಣ ನೀರನಿಂಗಿಸಿಟ್ಟು...

ಸ್ವಚ್ಛತಾ ಅಭಿಯಾನದ ಕೆರೆಗೆ ಓಗೊಟ್ಟು
ಹಿಡಿಯಿರಿ ಕೈಯಲಿ ಪೊರಕೆಕಟ್ಟು
ಮತಭೇದ ಅಂತಸ್ತು ಎಲ್ಲ ಬದಿಗಿಟ್ಟು
ಬನ್ನಿ ಎಲ್ಲರೂ ಸ್ವಚ್ಛಭಾರತ ಸಂಕಲ್ಪತೊಟ್ಟು..

✍️... ಅನಿತಾ ಜಿ.ಕೆ.ಭಟ್.
27-11-2019.