ಪ್ರಕೃತಿಯ ಪಾಠ

ನೋಡಿ ಹೇಗಿದೆ ನಾನಿಂತ ಸ್ಟೈಲು
ಮುಖದಲ್ಲಿ ಇರಬೇಕು ಹೀಗೇನೆ ಸ್ಮೈಲು||

ಕೆರೆಯ ಬದಿಯಲಿ ನಿಂತಿರೋ ಪುಟ್ಟ ಪೋರಿ
ಹಸಿರ ಸಿರಿಯ ನಡುವೆ ತುಂಬಿದ ಝರಿ||

ತುಂಬಿ ಬಂದಿಹ ಸಲಿಲವೇ ಅಂದ
ನಸುನಗುತ ನಿಂದಿರುವ ನಾ ಅದಕಿಂತ ಚಂದ||

ಕಂಡಿರುವೆ ನೀರಲ್ಲಿ ಮೀನು ಕಪ್ಪೆ ಏಡಿ 🐟🦀
ಬಂದಿರುವೆ ತೋಟಕೆ ಅಪ್ಪನ ಜೊತೆಗೂಡಿ||

ಪುಟಾಣಿ ಕಪ್ಪೆ ನನಕಂಡು ಹಾರಿತು 🐸
ದೊಡ್ಡ ಕಪ್ಪೆ ಸಂಗೀತವ ಹಾಡಿತು 🐸

ಪುಟ್ಟ ಹಾವೊಂದು ಸರ್ರನೆ ಸಾಗಿತು 🐍
ಮರಿಮೀನು ಅತ್ತಿತ್ತ ಬಳುಕುತ್ತ ಸಾಗಿತು 🦈

ಅಲ್ಲೊಂದು ಜೇಡ ಬಲೆಯ ಹೆಣೆದಿತ್ತು 🕷️🕸️
ನೊಣವೊಂದು ಅದರೊಳಗೆ ಸಿಕ್ಕಿಬಿದ್ದಿತ್ತು 🐝

ಬಣ್ಣಬಣ್ಣದ ಚಿಟ್ಟೆ ನನ್ನ ಸೆಳೆದಿತ್ತು 🦋
ಇರುವೆಯು ಸರತಿಸಾಲಿನಲಿ ಸಾಗಿತ್ತು 🐜

ಅಡಿಕೆ ತೋಟದೊಳಗೆ ನಾ ಕಲಿತೆ ಪಾಠ
ಒಗ್ಗಟ್ಟಿನ ಜೀವನದಿ ಬಾಳು ರಸದೂಟ ||


✍️... ಅನಿತಾ ಜಿ.ಕೆ.ಭಟ್.
25-11-2019