ಪಪ್ಪಾಯ ಬಾತ್

           

        

      ಪಪ್ಪಾಯ ಬಾತ್

 
      ಪಪ್ಪಾಯ ಹಣ್ಣಿನಲ್ಲಿ ಯಥೇಚ್ಛವಾಗಿ ಆಂಟಿ ಆಕ್ಸಿಡೆಂಟ್ ಗಳಿವೆ.ದೇಹಕ್ಕೆ ರೋಗರುಜಿನಗಳು ಮುತ್ತಿಕೊಳ್ಳುವುದನ್ನು ಇವು ತಡೆಯುತ್ತವೆ.ಆಗಾಗ ಪಪ್ಪಾಯ ಹಣ್ಣನ್ನು ಸೇವಿಸುತ್ತಿದ್ದರೆ ದೇಹದಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ.ವಿಟಮಿನ್ ಎ ಮತ್ತು ವಿಟಮಿನ್ ಸಿ ಅಂಶಗಳು ಹೇರಳವಾಗಿವೆ.ಹಣ್ಣನ್ನು ಹಸಿಯಾಗಿಯೇ ತಿಂದರೆ ರುಚಿ ಹಾಗೂ ಆರೋಗ್ಯಕರ.ನಿತ್ಯದ ಅಡುಗೆಯಲ್ಲೂ ಬಳಸಬಹುದು.ಸಿಹಿ ತಿಂಡಿಯೂ ತಯಾರಿಸಬಹುದು.ಪಪ್ಪಾಯ ಬಾತ್ ಮಾಡುವುದು ಹೇಗೆ ನೋಡೋಣ.

ಬೇಕಾಗುವ ಸಾಮಗ್ರಿಗಳು:-

ಎರಡೂವರೆ ಕಪ್ ಪಪ್ಪಾಯಿ ಹಣ್ಣಿನ ತುಂಡುಗಳು, ಒಂದು ಕಪ್ ರವೆ/ಸಜ್ಜಿಗೆ, ಒಂದು ಕಪ್ ತೆಂಗಿನ ತುರಿ, ಕಪ್ ಸಕ್ಕರೆ,ಅರ್ಧ ಕಪ್ ತುಪ್ಪ.ಏಲಕ್ಕಿ ಪುಡಿ, ಗೋಡಂಬಿ ,ದ್ರಾಕ್ಷಿ, ಬಾದಾಮಿ.

ಮಾಡುವ ವಿಧಾನ:-

     ಪಪ್ಪಾಯಿ ಹಣ್ಣಿನ ತುಂಡುಗಳು ಮತ್ತು ಹಸಿ ತೆಂಗಿನಕಾಯಿ ತುರಿಯನ್ನು ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಿ.ಬಾಣಲೆಗೆ ಸ್ವಲ್ಪ ತುಪ್ಪ ಹಾಕಿ ರವೆಯನ್ನು ಹುರಿದು ಕೊಂಡು ಎರಡು ಕಪ್ ನೀರು ಹಾಕಿ ಬೇಯಿಸಿ.ನಂತರ ರುಬ್ಬಿದ ಮಿಶ್ರಣವನ್ನು ,ಸಕ್ಕರೆಯನ್ನೂ ಹಾಕಿ ತಿರುವಿ.ಆಗಾಗ ಮೇಲಿಂದ ತುಪ್ಪ ಹಾಕಿಕೊಳ್ಳಿ.ಪಾಕ ತಳ ಬಿಟ್ಟು ಬರುವಾಗ ಏಲಕ್ಕಿ ಪುಡಿ ಬೆರೆಸಿ.ತುಪ್ಪ ಸವರಿದ ತಟ್ಟೆಗೆ ಹಾಕಿ.ಗೋಡಂಬಿ ,ದ್ರಾಕ್ಷಿ ,ಬಾದಾಮಿಯಿಂದ ಅಲಂಕರಿಸಿದರೆ ಪಪ್ಪಾಯ ಬಾತ್ ಸವಿಯಲು ಸಿದ್ಧ.

✍️... ಅನಿತಾ ಜಿ.ಕೆ.ಭಟ್.
23-05-2020.