ವಸುಂಧರೆಯ ಮೊರೆ

   

🌲 ವಸುಂಧರೆಯ ಮೊರೆ 🌲

ಸುಡು ಸುಡು ಬೇಸಿಗೆ
ತಡೆಯಲಾಗದ ಧಗೆ
ಭಾನು ವರುಣ ಏಕಿಷ್ಟು ಹಗೆ?
ಕೇಳದೇ ಭುವಿ ಹಸಿರ ಬೇಗೆ? ||1||

ಇಡುತಿಹಳು ಮೊರೆ
ಬಾಯಾರಿ ವಸುಂಧರೆ
ಒಡಲ ಬೆಂಕಿಯ ತಣಿಸಿ
ಹಸಿರ ದೇವಿಯ ಮೆರೆಸಿ ||2||

ತರು ಬೇರ ಧರೆಯೊಳಗಿಳಿಸಿ
ಅರಸುವುದು ನೀರಸೆಲೆಯ
ಮಣ್ಣದೋ ಬಿರಿಬಿರಿದು
ರಚಿಸಿಹುದು ನಕ್ಷೆಯ
ಅಕ್ಷಿತೆರೆದು ವೀಕ್ಷಿಸಿರಿ
ವಾಯು ಬೆಳ್ಮುಗಿಲು ವರುಣರಾಯ||3||



ದೂರ ತೀರದ ದೃಷ್ಟಿ
ಹಚ್ಚ ಹಸಿರಿನ ಸೃಷ್ಟಿ
ತಂಪು ತುಂತುರು ವೃಷ್ಟಿ
ಭುವಿಯೊಡಲು ಸಂತುಷ್ಟಿ||4||

ಮಳೆಗೆ ಇಳೆ ಕಳೆಯಾಗಿ
ಕೆಳಗಿಳಿದು ಅಂತರ್ಜಲವಾಗಿ
ಸಂಪದ್ಭರಿತ ನೆಲೆಯಾಗಿ
ಭರವಸೆಯ ಬೆಳಕಾಗಿ
ಜೀವಸಂಕುಲಕೆ ಶ್ರೀರಕ್ಷೆಯಾಗಲಿ ||5||

                  🌲🌳

✍️ .. ಅನಿತಾ ಜಿ.ಕೆ.ಭಟ್
11-05-2020.