ನಾಯಿ ಮರಿ-ಶಿಶುಗೀತೆ/ಅಭಿನಯ ಗೀತೆ/ಮಕ್ಕಳ ಸಾಹಿತ್ಯ

 

ನಾಯಿ ಮರಿ-ಶಿಶುಗೀತೆ

ನನ್ನ ಹೆಸರು ಸುಮಾ
ಗೆಳತಿಯಿವಳು ರಮಾ
ಅವಳ ನಾಯಿ ಮಿಟ್ಟು
ಅವನು ಬಹಳ ತುಂಟ||೧||

ಶಾಲೆಯಿಂದ ರಮಾ ಬರಲು
ಹಾರಿ ನೆಗೆವುದು
ಅವಳ ಅತ್ತ ಇತ್ತ
ಪಕ್ಕದಲ್ಲಿ ಸುಳಿವುದು||೨||

ಮನೆಯ ಒಳಗೆ ತೆರಳಿದಾಗ
ಕುಂಯ್ ಕುಂಯ್ ಎನುವುದು
ಬಿಸ್ಕಿಟ್ ತಂದು ಹಾಕಿದರೆ
ಬೇಗ ತಿನುವುದು||೩||

ಪಕ್ಕದ ಮನೆಯ ಬೆಕ್ಕು
ಕಂಡರೆ ಅಟ್ಟಿ ಬಿಡುವುದು
ಹಾವು ಓತಿ ಮುಂಗುಸಿ
ಹೆದರಿ ಓಟಗೈವುದು||೪||

ಹೊಸಬರನ್ನು ಕಂಡಾಗ
ಭಾರೀ ಬೊಗಳಿಕೆ
ನಾನು ಸುಮಾ ಗೆಳತಿಯೆಂದು
ಸ್ವಲ್ಪ ಸಡಿಲಿಕೆ||೫||

ನಾಯಿ ಮರಿ ನನಗೂ
ಬೇಕೆಂಬ ಬೇಡಿಕೆ
ಇಟ್ಟಿರುವೆ ಅಪ್ಪನಲ್ಲಿ
ನನ್ನ ಜೊತೆಗೆ ಆಟಕೆ||೬||

✍️... ಅನಿತಾ ಜಿ.ಕೆ.ಭಟ್.
20-08-2020.

ಚಿತ್ರ ಕೃಪೆ ಅಂತರ್ಜಾಲ.