ವಿನಾಯಕ...ಅಭಯದಾಯಕ

 

ವಿನಾಯಕ...ಅಭಯದಾಯಕ..

ವಿನಾಯಕ ...ಅಭಯದಾಯಕ...
ಮಹಿಮಾಪೂರ್ಣಾ..ಶರಣು..ಕರುಣಾ..||ಪ||

ಗೌರಿಯ ಕಂದ ವರಗಳ ಸುರಿವನೇ
ಹಂಸಗ್ರೀವ ಅಗ್ರಗಾಮಿನಿಯೇ
ಅಭೀಷ್ಟವರದ ಸನ್ಮಂಗಲನೇ
ವಿಷ್ಣುಪ್ರಿಯ ಮಹಾಗಣಪತಿಯೇ||೧||

ದ್ವಿಮುಖ ರೂಪ ಸುಖಾನಿಧಿಯೇ
ಮೋದಕಪ್ರಿಯ ಭಕ್ತನಿಧಿಯೇ
ಸಂತತ ಭಜಿಪೆ ಪಂಚಹಸ್ತನೇ
ದೂರ್ವಪೂಜಿತ ದುರಿತಹರನೇ||೨||

ಪಾರ್ವತಿನಂದನ ನಿತ್ಯವಂದ್ಯನೇ
ವಿದ್ಯಾಬುದ್ಧಿಪ್ರದಾಯಕ ವಾಕ್ಪತಿಯೇ
ಕಡುಬು ಕಜ್ಜಾಯಾರ್ಪಿತ ಶಿವಪ್ರಿಯನೇ
ಪ್ರಥಮಪೂಜಿತ ಸುಪ್ರದೀಪನೇ||೩||

ಕನಕ ಕಿರೀಟಧಾರಿ ವಿಶ್ವನೇತ್ರನೇ
ಮಹೋದರ ಸತ್ಯತತ್ವಸೂತ್ರನೇ
ಆಶ್ರಿತವತ್ಸಲ ಸುರಪೂಜಿತನೇ
ಸಂಕಟನಾಶ ವರಗಜತೇಜನೇ||೪||

✍️... ಅನಿತಾ ಜಿ.ಕೆ.ಭಟ್.
22-08-2020.

ಶ್ರೀ ಗಣೇಶ ಚತುರ್ಥಿಯ ಶುಭಾಶಯಗಳು .💐

ಚಿತ್ರ ಕೃಪೆ: ಅಂತರ್ಜಾಲ.